Um okkur

Hver erum við ?

ProRailing Ísland ehf. (pro-railing.is) er dótturfyrirtæki Profilshop í Danmörku.  Eigendur er íslensk fjölskylda búsett í Árósum.
Í verksmiðju okkar í Árósum framleiðum við glerhandrið, glerveggi, svalalokanir, glerhýsi og fleira eftir máli fyrir viðskiptavini  sem er svo sent beint heim til viðskiptavinar hvar sem er í Skandinavíu. Höfuðstöðvar, þeas. lager og verskmiðja eru til húsa í Árósum í 20mín fjarlægð frá hafnaraðstöðu Eimskips sem siglir vikulega og liggur því miðsvæðis bæði varðandi aðföng og flutninga.

Við seljum vörur okkar beint án milliliða í gegnum eigin sölufyrirtæki í Danmörku, Svíþjóð og á Íslandi, pro-railing.is, pro-railing.dk og pro-railing.se. Sami eigandi er að öllum fyrirtækjum þannig að boðleiðir eru stuttar og verðlagning gegnsæ.  Í flest öllum tilfellum stendur ProRailing á Íslandi fyrir innflutning, sölu og heimkeyrslu beint til viðskiptavina.

Við rákum innflutnings og sérsmíðaverkstæði á Íslandi í 18 ár og tókum þátt í stórum og smáum verkefnum frá smáverkum í heimahúsum til byggingu flugstöðvarinnar í Keflavík, Smáralindar, Kringlunnar og Korputorgs svo eitthvað sé nefnt. Ævintýraþráin rak okkur af stað í leit nýrra tækifæra árið 2006  og strax við komuna til Danmerkur duttu smíða og uppsetningaverkefni inn á borðið af svipuðum toga og áður ss svalalokanir, glerveggir og handrið ásamt uppsetningarvinnu td. í nýjum höfuðstöðvum Vestas í Árósum ásamt verkefnum í Kaupmannahöfn, Stokkhólmi og víðar.  Við byggjum við því á yfirgripsmikilli þekkingu og reynslu í þessum efnum.

Í dag er framleiðslan í fyrirrúmi hjá okkur þeas  við einbeitum okkur fyrst og fremst að eigin framleiðslu í verksmiðju okkar í Árósum þar sem við framleiðum meðal annars:

• Crystalline Slimline – glerhandrið án stólpa
• Fusion line – nýtýskuleg ál og glerhandrið 
• F50 – klassísk glerhandrið með álstólpum og klemmum (ryðfrítt look)
• Classic-line – hefðbundin álhandrið med rimlum
• MK – svalahandrið og svalalokanir
• Fusion fence – girðingar og skjólveggjir úr áli
• PS Sólskálar – glerskálar og glerhýsi sérsmíðað í fjölmörgum útfærslum
• Slider Next – gler-rennihurðar fyrir sólskála og yfirbyggingar.
• AG svalalokanir og felliglerveggir 
• Sunroom – léttar ályfirbyggingar úr gleri, áli og plasti

Á vefsíðum okkar prorailing.is, pro-railing.dk og pro-railing.se má finna vörur og þjónustu sem við bjóðum viðskiptavinum okkar á skandinavíska markaðnum.  Við seljum gler, glerhandrið, svalalokanir, svalaganga, glerskála, smáhýsi og yfirbyggingar í Danmörku ásamt útflutningi til annarra norðurlanda, ásamt rekstri vefverslunar með skyldum vörum.  Handrið, svalalokanir, skálar og flestar allar vörur okkar eru sérframleiddar efir máli viðskiptavinarins. Glerhandrið eru í flestum tilfellum tilsniðin í rétt mál tilbúin til uppsetningar, sem tryggir 100% samsetningu og styttir uppsetnignatíma.

Í reiknivélum okkar má finna vörur okkar sem við bjóðum á svipuðum verðum og gengur og gerist annarstaðar á norðurlöndunum.
Markmið okkar er að bjóða viðskiptavinum okkar gæðavörur með sömu öryggiskröfur á sambærilegu verði allstaðar á norðurlöndunum.