Svalahandrið, glerlokanir og svalagangar

Fyrir SH verktaka settum við upp  svalahandrið og glerloknanir á báðar hliðar hússins að Móstekk 14-16 á Selfossi.

Sett var glerhandrið með svalalokunum á efri hæðina og á jarðhæð var svölum lokað með vönduðum rennihurðum í ramma  sem hægt er að opna í báðar áttir. Allar glerlokanir eru framleiddar eftir máli í verksmiðju okkar í Árósum.

Á efri hæð hússins eru svalirnar með hefðbundu kerfi þeas glerhandriði og opnanlegum svalalokunum, svokölluðum B lokunum sem hægt að er opna 90%. Gler í handriðð er hert samlímt öryggsgler með EVA fólíu.

Rennuhurðar á jarðhæðinni eru í álramma sem keyra á sökkulprófílnum sem gerir þetta kerfi  bæði sterkt, þétt og einstaklega meðfærilegt  í notkun.  Hjólabúnaðurinn er öflugur og stillanlegur svo hægt er að nota hurðafleka allt að 150 kg og renna í brautunum án vandræða.  Rennihurðunum er læst innafrá.  Þetta kerfi er mun þéttara en hefðbundin B svalalokun og jafnvel möguleiki á einanugrunargleri. Í alla staði mjög gott kerfi til að loka svölum  þar sem þörf er á háum lokunum.

Á framhlið hússins er svalagöngum lokað með  80/20 veðurkápu sem framleidd er hjá okkur úr gluggapóstakerfinu EW50 frá Aluminco og lokað með 10.76mm hertu öryggisgleri með EVA fólíu. Gluggapóstarnir eru festir í gólf og loftaplötur, sett fallvörn við gólfplötu og settur handlisti að innanverðu.  Uppsetning á þessu verkefni var á okkar vegum og tókst með afbrigðum vel.